Eabele en Oebele sille in reportaazje meitsje oer ôffal. Op it stoart treffe sy Machiel Braaksma, in keunstner dy't allegear moais makket fan brûkt guod. Wylst Eabele en Oebele mei de keunstner mei nei hûs ta gean om dêr syn guod te bewûnderjen, binne Appy en Mieke drok mei it meitsjen fan in bouwurk. Van der Baan komt ûnderwilens by in graffiti-skilderij telâne. Dêr bliuwt er by stean. Dat hied er better net dwaan kind...
Dit binne ús skoalletelevyzjeprogramma's foar de basisskoalle:
Foar groepen 5 oantemei 8 is der it populêre programma Studio F. Studio F is in omrop dêr’t radio- en televyzjeprogramma’s makke wurde. Radiofrou Mieke Foon wurdt holpen (en soms tsjinwurke) troch Eabele en Oebele dy’t foar de televyzjetak wurkje. Appie hat de soarch foar de fassiliteiten yn it gebou en Van der Baan is de grutte direkteur.
De útstjoerings dit skoaljier, mei tusken heakjes it byhearrende téma: 02-03-10 Studio F yn it museum (keunst)16-03-10 Studio F op syn moaist* (keunst)30-03-10 Studio F makket in film (omjouwing)13-04-10 Studio F sjocht om him hinne* (omjouwing)11-05-10 Studio F makket it spannend* (sport)25-05-10 Studio F is de bêste!* (sport) * Dit binne nije ôfleveringen fan Studio F.
WitWat is ien fan de skoaltelevyzjeprogramma’s dy’t Omrop Fryslân makket foar it Fryske basisûnderwiis. WitWat wurdt makke foar de groepen 3 en 4 en slút mei syn tema’s oan op de Fryske taalmetoade Studio F, dy’t op ferskate skoallen yn Fryslân brûkt wurdt foar it fak Frysk. Yn it programma siket de 15-jierrige Marieke Swart fan Sint Anne, mei help fan har kleptop, it antwurd op in fraach fan in groep 3 of 4.Njonken ynformaasje foar learkrêften, foto's en teksten fynst dêr ek in spultsje!
De útstjoerings fan dit skoaljier, mei tusken heakjes it byhearrende téma09-03-10 WitWat oer kakelbûnte kleuren (keunst)06-04-10 WitWat oer healwize huzen (omjouwing)18-05-10 WitWat oer it swingende swimpak (sport)* dit binne nije ôfleveringen
It lân fan Efke is in programma foar de beukers as foarrinner op Studio F. Cedin taalsintrum Frysk, AFUK en Omrop Fryslân hawwe it materiaal ûntwikkele. Der is in map mei 10 útwurke téma's. By alle téma's heart in televyzjeprogramma en in radioprogramma. It televyzjeprogramma 'it lân fan Efke' giet oer Efke en syn mem. Se wenje yn in lyts húske op de top fan in berch. Se libje dêr tegearre. Mem mei graach skilderje en Efke is faak drok oan it bouwen mei syn blokken. Tegearre bedarje se alle kearen yn in fantasij.
De útstjoerings fan dit skoaljier: 23-03-10 Ferkear20-04-10 Feest01-06-10 Ferklaaie
Alle tiisdeis om 11.05 oere (útsein de skoalfakânsjes) is Omrop Fryslân der op Nederlân 3, op Z@ppelin, mei skoaltelevyzje-programma’s foar de basisskoalle. Deselde tiisdei wurdt it programma werhelle op Omrop Fryslân, om 17:15 oere. En de sneins dêrop nochris, om 16:25 oere.