Atze en Rensina binne broer en suster. Se binne hikke en tein op 'e Rottefalle. Om't harren heit en mem 55 jier troud wiene, hawwe sy nei Reitse skreaun. Heit en mem hawwe jierrenlang in aaihannel oan hûs hân, dus oft Reitse dan mar net wat mei aaien meitsje woe. Want dy hiene Atze en Rensina al genôch troch de hannen hân.
Heit en mem binne net allinnich al 55 jier byinoar, ek binne se noch wakker aktyf. Yn it hertekamp, by it folkdûnsjen of by it swimmen. En net te ferjitten mei klassike auto's. Yn 'e garaazje stiet nammentlik noch in orizjinele A-Ford.
No binne der yn dizze ôflevering wol mear bysûndere ferfiermiddels te sjen, want wy sette de útstjoering út ein op Flylân om cranberrys te heljen. Dêr komme Reitse, Renzine en Atze wol op in hiel bysûndere wize.
Kalkoen mei cranberrys***Kabbeljau mei grienten en wite wynsaus mei kerry***
Yn dizze rige fan 'Lekker ite mei Reitse'...sil Reitse iten siede mei in oar foar in oar. It doel is om immen te ferrassen dy’t it fertsjinne hat om ris ferwend te wurden mei in goed miel. Op de oprop kamen goed 150 oanmelding en de kar wie dreech, mar jo sille yn acht wike in grut ferskaat oan ferhalen sjen Mei wa en werom sil Reitse Spanninga dizze wike itensiede?