Ids Willemsma Links Utstjoering mist Bestel no!

Freed 19 maart om 18:30 « foarige Ids Willemsma is ien fan Fryslâns meast ferneamde hjoeddeistige keunstners. Syn grutte objekten binne op ferskate plakken yn en bûten de provinsje te sjen. Hjoed is Reitse Spanninga by him te gast en op it resept stiet in klassiker: beef tartaar mei selsmakke patat. Reitse sil ek sjen litte hoe 't hy sels mayonêze makket

Reitse en de jirpelboer

Ids Willemsma Ids Willemsma hat syn wurk op ferskate plakken te stean. Sa stiet der wurk fan him by de seedyk yn Ferwert en by de brêge fan De Pein. Mar ek yn hiel Nederlân wolle oerheden en stiftingen graach in wurk fan Willemsma yn it lânskip te stean hawwe.   Njonken keunstner is Willemsma ek natuerman. Hy ferbout al syn eigen griente, en libbet yn harmony mei syn bisten oan 'e râne fan Easterwierrum.   Op it menu stiet in klassiker: beef tartaar mei patat. En dy patat makket Reitse fan jirpels dy't er moarns sa fan it lân dold hat. En wêr kinne je dat better dwaan as op it Bilt?   Dyselde jirpels litte wy priuwe oan 'e ynwenners fan De Gordyk. Priuwe dy it ferskil eins wol tusken fabryksbewurke jirpels en in kwaliteitsjirpel.   Yn 'De tip' lit Reitse sjen hoe't je hiel maklik sels mayonêze meitsje kinne.

Ierappelslaad  Byfstik Tartaar

Kleurryk Hjoed binne we by in artyst, keunstenaar, dichter, skriuwer en libbensgenieter.  Ids Willemsma is in kleuryk man. It produkt is hjoed jirpels, om krekt te wêzen: patat mei mayonêze. Wy sykje in ierappelboer op, op 'e klaai oan 'e Aldebiltdyk. Wy meitsje dêr patat, mei selsmakke mayonêze en we litte de minsken ek jirpels priuwe Ierappelslaad Mei frisse biezelok en rauwe ham Byfstik Tartaar mei patat en selsmakke mayonêze

Rauwe ham    Ierappelslaad

Ierappelslaad Genôch foar 4 minsken: 12 skiven rauwe ham. 500 gram jirpels boskje fynsnijde biezelok 5 ytleppels selsmakke mayonêze 2 goudreinetapels piper en sâlt Skyl de jirpels en set se ûnder wetter. Snij de jirpels yn skiifkes, dêrnei yn streekjes en dan wer yn blokjes. Doch de jirpels yn siedend wetter en sied se koart, sawat 4 minuten. De jirpels moatte net te hurd wêze, mar ek net te smotsich! Skyl de apels en snij se ek yn blokjes. Doch de kâlde jirpels troch de apels, meitsje it lekker mei eigenmakke mayonêze en biezelok en sâlt en piper út de mole. (foar mayonêze sjoch nei it resept). It is noch lekkerder wannear't jo it slaad in dei stean litte yn 'e  kuolkast. Krij de salade en skep him op it midden fan it board. Lis de skiven skinke der boppe-op en garnearje it mei wat spriten biezelok. De skinke keapje ik by slachter Tichelaer yn Snits of Menno Hoekstra yn Anjum. Dat binne echte slachters.

Kooktip fan Reitse

Selsmakke mayonêze 0.5 liter sinneblomoalje of oliifoalje (op keamertemperatuer) 3 aaidjerren 1 ytleppel moster 4 drippen Worcestersaus 3 ytleppel jittik Witepiperpoeier (net út de mole, oars krije jo pitsjes in 'e mayonêze) nei smaak Sâlt út de mole nei smaak Selsmakke mayonêze kinne jo maklik yn it foar meitsje. De measte minsken keapje mayonêze yn  in potsje. Hoecht net ferkeard te wêzen, mar sels meitsje is lekkerder en jo witte presys wat deryn sit. En soks moatte jo mar ôfwachtsje wannear jo in potsje keapje.Wolris lêzen wat deryn sit? Doch it no mar sa. Dêr krije je gjin spyt fan. Bewarje it yn de kuolkast yn in ôfsletten potsje of bakje en jo kinne it fjirtjin dagen goed hâlde. Dat: meitsje net te folle klear. Hoe't jo mayonêze klearmeitsje Doch earst de aaidjerren, moster, jittik, piper, sâlt en Worcestersaus yn in hege mingbeker (meastal krije jo sa'n mingbeker by de oankeap fan in staafmikser).   Doch de oalje, op keamertemperatuer, op 'e aaidjerren, jittik en moster en oare smaakmakkers derby. Mjuks de yngrediïnten troch elkoar troch de staafmikser der hielendal yn te setten, oansette en stadich omheechhelje. Fyftjin tellen stean litte, dan hawwe jo in perfekte mayonêze. It kin net lekkerder.

	Lekker ite mei Reitse Yn dizze rige fan 'Lekker ite mei Reitse'...sil Reitse iten siede mei in oar foar in oar. It doel is om immen te ferrassen dy’t it fertsjinne hat om ris ferwend te wurden mei in goed miel. Op de oprop kamen goed 150 oanmelding en de kar wie dreech, mar jo sille yn acht wike in grut ferskaat oan ferhalen sjen Mei wa en werom sil Reitse Spanninga dizze wike itensiede?