Reitse Spanninga is te gast by Miranda van Kralingen. Se is operasjongeres en artistyk lieder fan Opera Zuid, mar ek yn foar in gearwurking mei Piter Wilkens. Reitse siket foar in hearlik resept de bêste tsiis op 'e Tynje en lit dy ek op strjitte priuwe.
Miranda van Kralingen is dan wol net hikke en tein yn Fryslân, mar mei de leafde foar har man hat se ek har hert oan ús provinsje jûn. Ek al is se artistyk lieder fan Opera Zuid yn Maastricht, sagau't it kin is se wer yn Fryslân te finen. Of dat no is om't se in sjongfoarstelling draait mei Piter Wilkens of dat se jazz of opera sjongt op in jûn of by in spesjaal evenemint. Sa'n diva as Miranda hat Reitse noch nea yn syn programma hân. Dêrom giet er dizze kear op lúkse en siket om de bêste tsiis fan Fryslan, dy't er nei eigen sizzen op 'e Tynje fûn hat, Tynjethaler. Mei de tsiis giet Reitse ek yn it sintrum fan Drachten de strjitte op. Soene de Drachtsters priuwe kinne wat it ferskil is tusken fabryks- en boeretsiis?
Ynklusyf bonus-dvd mei acht ôfleverings fan it lyknammige Omrop Fryslân televyzjeprogramma.
'Lekker ite is in foarm fan gelok.' Dat is it motto fan televyzjekok Reitse Spanninga fan restaurant 't Plein op 'e Jouwer.Yn dit twadde diel fan it boek Lekker ite mei Reitse stean syn favorite (basis)resepten sintraal, mar ek hearlike Fryske tapa's en komplete menu's om fan te genietsjen mei famylje en freonen.
Yn dizze rige fan 'Lekker ite mei Reitse'...sil Reitse iten siede mei in oar foar in oar. It doel is om immen te ferrassen dy’t it fertsjinne hat om ris ferwend te wurden mei in goed miel. Op de oprop kamen goed 150 oanmelding en de kar wie dreech, mar jo sille yn acht wike in grut ferskaat oan ferhalen sjen Mei wa en werom sil Reitse Spanninga dizze wike itensiede?