Freed 19 maart om 17:50

Fratsen. 'Wa't net sterk is, moat tûk wêze'.

Pake hat wer in ferhaal....net te leauwen.
Mar de bern 'smulle' derfan.

Alle Berneprogramma's

Bear Boeloe

Sûnt 1995 hat Omrop Fryslân alle dagen in orizjineel berneprogramma en dat is Bear Boeloe. De measten fan jim kenne him sa stadichoan wol en dat jildt ek foar syn freonen en freondinnen Sipke, Huning-snútsje en noch folle mear. Wat jim oan 'e ein fan it programma faaks net iens ôfwachtsje sille, is de ôftiteling. Dêryn stiet wa't wêrfoar ferantwurdlik is. Wa't it ferhaal betocht hat, en tekene. Wa't de rezjy dien hat, de stimmen ensfh. Want sa'n Bear Boeloe ferhaal freget in bulte minsketiid en wurk foar't it klear is om op TV te ferskinen. Elk ferhaal bestiet út ûngefear 6 oant 7 tekeningen en in ferhaal fan twa, mei de hân skreaune, kantsjes.De tekeningen binne earst mei potlead opset, dernei útwurke mei pen en kleurpotleaden en sûnt dit jier ek mei pastelkryt.Dêr hawwe al mear as fiifhûndert ôfleveringen fan Bear Boeloe op TV west, dat rekkenje mar út hoefolle tekeningen dat meiinoar binne!

Tomketiid

Tomketiid is in magazineftich programma foar bern tusken de 2 en 8 jier. Tomke nimt ús mei troch syn programma. Dêryn komme foarby: in avontoer fan Tomke sels, mar ek fan Pier en Marike yn Fratsen. Op skoalle is filme by de bern sels. Se hawwe rymkes leard en dy sizze se op in knappe en leuke wize foar ús op.

Tomke lit ús ek sjen dat sa 'n rymke samar in moai ferske wurde kin. It programma duorret 20 minuten en wurdt elke saterdei/sneon útsjoerd om 5 minuten oer healwei seizen. Sneins wurdt it werhelle om 16.40 oere. Tomketiid is ek te besjen op ynternet op Utstjoering Mist.

Tomke

Tomke is in fleurich baaske mei net al te folle hier op syn holtsje. Mei syn hûntsje Romke en Kornelia belibbet er de gekste aventoeren.

Fratsen

Pier en Marike binne faak ferwikkele yn sitewaasjes dy’t troch harren handeljen in spannende of fermaaklike kant út gean. By eintsjebeslút rint it altyd goed ôf.

Sinteklaas en de ferstekling

Fan 30 novimber oant en mei 5 desimber stjoert Omrop Fryslân Televyzje it stripferhaal Sinteklaas en de ferstekling út. It is foar it earst dat de Omrop yn de oanrin nei 5 desimber in spesjaal berneprogramma oer en mei Sinteklaas útstjoert.

As ferstekling op 'e stoomboat

Sinteklaas en de ferstekling is in aventoer fan in jonkje dat syn heit en mem kwytrekke is en as ferstekling meigiet op de stoomboat fan Sinteklaas. Mei it ferhaal wol de makker dúdlik meitsje dat kadootsjes fan Sinteklaas moai binne, mar dat ymmateriële saken as leafde en burgen-wêzen yn it libben noch folle wichtiger binne. It is geskikt foar bern út de groepen 3 oant en mei 6 fan it basisûnderwiis

Stripboek

Sinteklaas en de ferstekling is oarspronklik in stripboekje dat makke is troch tekener Aart Cornelissen yn opdracht fan SSIL (Stichting Sinterklaas Intocht Leeuwarden).  SSIL hat it stripferhaal oan de Omrop beskikber steld. De Omrop stjoerde noch net earder in stripferhaal as televyzjeprogramma út. Der dogge 26 akteurs oan mei, wêrûnder de boargemaster fan Ljouwert Ferd Crone, as himsels.
Der is ek in foar de Omrop nije technyk brûkt. De oarspronklike tekeningen binne digitalisearre en guon sênes binne opboud út meardere lagen dy’t bewege.

Berneprogramma

Omrop Fryslân hat in tal berneprogramma's. Bear Boeloe, Tomke, Fratsen en fansels Tomketiid.