Underwerpen

Johan de Jong hat nijs út de natoer.

Baukje Schaafsma is by de Nacht fan Lollum: hjoed en moarn is der 24 oeren live-muzyk te hearren yn dit doarp. It begjint om 11 oere. De yntree is €6 en giet nei in projekt yn Tadzjikistan. Mear ynfo op:
www.freewebs.com/nachtvanlollum
En ferslach fan de himmel yn Hitzum yn it ramt fan NL DOET: de grutste frijwillligersaksje fan Nederlân. Hjoed is der lêste dei, en meidwaan kin noch altyd. Sjoch op: www.nldoet.nl om te sjen hokker klussen der yn jo buert te dwaan binne.

De Stifting Alde Fryske Tsjerken besiket de jongerein wer yn de tsjerke te krijen en organisearret dêrom in spesjaal berne-oere, foarôfgeand oan de foarjiersekskurzje. De tsjerken yn Goïngaryp, Sint Nyk en de Lemmer binne te besjen, fan 11:00 oant 12:00 oere.
www.aldefrysketsjerken.nl

Yn Boazum helje se de titelroazen wer út de kast: tiid foar de Titlelroazemerk! Hjoed en moarn fan 11:00 oant 17:30 oere. Yntree €2, mar dan geane jo wol nei hûs mei pear roazen.
http://www.boazum.eu/

Snein 20 maart is it Wrâldferteldei.Yn Park Groot Vijversburg yn Tytsjerk binne dêrom dizze middei ferhalen te hearren. Fertelgroep 'De Ster' nimt de harker mei op reis. Der binne twa fertelrondes: tusken 13:30 en 15:30 en tusken 15:30 en 17:00 oere.
http://www.wereldverteldag.nl/

Túnman Klaas Piekstra is klear mei de winter en is yn de studio mei tips foar jo foarjierstún.

Hanshan Roebers makket 'congs': dit binne rituele foarwerpen út grêven fan Japan en Sina. It is de earste eksposysje yn it nij ferboude byldhousintrum yn Koudum en wurdt moarn iepene om 14:00 oere. Ynformaasje oer de keunstner fine jo hjir: http://www.hanshanroebers.nl/
en oer it sintrum, hjir:
www.beeldhouwcentrumkoudum.nl

Tresoar hat oan it ferbouwen west en hjoed en moarn kinne jo it einresultaat besjen. Tidens de iepen dagen is der fan alles te dwaan, ûnder oare in Fryslân quiz, mei Fryske pommeranten lykas Piter Wilkens en Hylke Speerstra. Foar it folsleine programma sjogge jo op: http://www.tresoar.nl/

Jojanneke Drijver komt nei de studio mei de filmtips foar dizze wike.

Hjoed is it de iepen dei fan de soarch. Op ferskate plakken yn Fryslân dogge soarchynstellings de doarren iepen. Alle adressen binne te finen op:
http://www.opendagzorg.nl/

Wout Zijlstra (sels sterkste man fan Nederlân yn 2001) organisearret snein de wedstriid 'Sterkste man van NoordNederland.' de titel is op dit stuit yn hannen fan Jan Wagenaar (de Hulk út Skearnegoutum). Trekker lûken, autobânnen tille: al dizze aktiviteiten binne snein te besjen by leanbedriuw Brandsma yn Wolsum, it begjint om 15:50 oere. Yntree €8.