It radiofoarum bestiet út rûchwei tweintich minsken út alle lagen fan 'e Fryske befolking: jong, âld, man, frou, links, rjochts en út alle hoeken fan 'e provinsje.
Alle dagen belje wy in lid fan it foarum op om syn of har miening te freegjen oer it nijs fan de dei. Dat kin fan alles wêze: nijs út Fryslân, mar ek nijs út Nederlân of miskien wol wrâldnijs.
By de foarumleden sitte ûnder oare: skriuwer Henk van der Veer út Snits, pastoar Sipke Draisma fan Warkum, Wytmarsum en Makkum, VWO-4-learlinge Helena Aalberts fan Feanwâlden, (âld-)skiedsrjochter Jan Dolstra, skriuwster en PR-meiwurkster fan Tryater Grietje Deinum, fakbûnsbestjoerder Anne van Dijk, studinte Nederlânsk Nynke de Jong (dy't ek skriuwt foar Viva), ûndernimmer Fahri Mintes fan Ljouwert, Steatelid en juriste Avine Fokkens-Kelder en supermerkbaas Jos van der Horst út Drachten.
Omrop Fryslân Aktueel is it nijsprogramma op de radio. Alle wurkdagen hâlde we jo mei trije nijsútstjoerings tusken 06.00-09.00, 12.00-13.30 en 16.00-18.30 op 'e hichte fan al it wichtige nijs yn Fryslân. Op sneon binne der nijsprogramma's fan 08.30 oant 09.00 oere en fan 12.00 oant 13.00 oere; op snein binne der nijsblokjes op de hele oeren.