De Histoaryske Feriening Noardeast Fryslân hat de 'oral history' fan de streek fêstlein. 14 ynterviewers giene del by minsken dy't no noch fertelle kinne oer it ferline. Fan wat se sels meimakke hawwe, of heard hawwe fan harren âlder en pakes en beppes. Dizze bysûndere ferhalen binne bondele yn it boek 'Op de praatstoel'. Einredakteur Reinder Tolsma is te gast yn Omnium.
Omnium is in programma mei achtergrûnen by it nijs. Alle wurkdagen tusken 11.00 en 12.00 oere komme ferskate ûnderwerpen oan de oarder. It kin yn Omnium gean oer skiednis, oer polityk mar ek oer sûnenssoarch.