Oer dizze webside

Aktueel wêze mei nijs, programma-ynformaasje, radio en televyzje. Dat binne de útgongspunten fan Omrop Fryslân op ynternet.  Op 'e webside nimt it nijs in sintraal plak yn. It nijs wurdt safolle mooglik oanklaaid mei bylden, links, radio- en televyzjereportaazjes. It nijs wurdt boppedat oanbean yn njoggen kategoryen, lykas plysjenijs, soarch en sport. Wa't allinnich sportnijs lêze wol klikt op it griene blokje en krijt allinnich sportnijs. Der binne ek dossiers fan saken dy't faak yn it nijs weromkomme. Fierders kinne je ek sykje op stekwurden (tags).
 
Alle ynformaasje oer radio- en televyzjeprogramma's wurdt oanbean yn kombinaasje mei ús online-kalinder. Dêrmei kinne jo foarút blêdzje nei it televyzje-oanbod fan moarn of oaremoarn, mar jo kinne ek nochris opsykje watfoar keunstners ferline wike yn K-rûte sieten. Us radio sa't dy op dat momint te hearren is (streaming radio) en ús radio en televyzje on-demand wurkje allinnich mei de Windows Media Player. Berjochten foar de aginda binne en bliuwe tige wolkom op ús emailadres aginda@omropfryslan.nl.

Utstjoering mist

Mei Utstjoering Mist wol Omrop Fryslân ús radio- en télevyzjeprogramma's online ûntslute. Wat televyzje oanbelanget kinne jo it hiele oanbod fan programma's op 'e kompjûter sjen. Fan Hjoed - yn alle trije edysjes -  oan ús dokumintêres op Nederlân 2 ta, fan it keunstprogramma K-rûte oan it sportprogramma Boppeslach Kafee ta en fan it diskusjeprogramma SneonS oan skoalletelevyzje ta.
 
Alle programma's binne nochris online nei te sjen op ús ynternetside. Mar ek as jo op it tiidstip fan útstjoering net foar de televyzje sitte koene, kinne jo fansels ek letter de kompjûter opstarte en der ris lekker foar sitten gean. It seit himsels dat jo ek radioprogramma's online beharkje kinne.

Oer de wurdlist

Foar minsken dy't minder goed Frysk lêze kinne of dy't Frysk leare wolle, hawwe we ek wat betocht op ús nije ynternetside. Dêrfoar moatte jo earst de oersetfunksje oansette. Klik op de thússide op it pompebledsje njonken it wurd 'taal'. Gean dan mei de mûs op in wurd stean en de Nederlânske oersetting ferskynt. Taal is altyd yn beweging en der ferskine hieltyd wer nije wurden. Sadwaande is sa'n online-wurdlist eins ek nea klear. Wy besykje de list mei oersettings sa aktueel mooglik te hâlden, sadat je neat hoege te missen. It seit himsels dat fragen oer en reaksjes op dizze nije webside mear as wolkom binne. Jo kinne dy reaksjes kwyt op it folgjende e-mailadres: nijemedia@omropfryslan.nl