Dyn Eagen - Van Wieren & Marieke

'Dyn Eagen' is makke om War Child te stypjen. De single is ta stân kaam op inisjatyf fan Omrop Fryslân Skoalletelevyzje. Fia www.fryslan4warchild.nl moedicht Omrop Fryslân bern oan om yn aksje te kommen en jild op te heljen foar War Child. De provinsje Fryslân hat tasein de opbringst te ferdûbeljen.

Dyn Eagen - Van Wieren & Marieke

'Dyn Eagen' is makke om War Child te stypjen. De single is ta stân kaam op inisjatyf fan Omrop Fryslân Skoalletelevyzje. Fia www.fryslan4warchild.nl moedicht Omrop Fryslân bern oan om yn aksje te kommen en jild op te heljen foar War Child. De provinsje Fryslân hat tasein de opbringst te ferdûbeljen.

Aksje foar War Child

Omrop Fryslân is de iennichste regionale omrop yn Nederlân mei in eigen ôfdieling skoalradio en –televyzje. Dizze ôfdieling makket searjes foar ferskate leeftydsgroepen, fan likernôch 4 – 14 jier. Dit skoaljier wurdt yn de programma’s, njonken de reguliere ûnderwerpen, in soad omtinken frege foar WarChild (sjoch: www.fryslan4warchild.nl). Sa besykje wy bern oan te trunen yn aksje te kommen foar WarChild en jild yn te sammeljen. De provinsje Fryslân hat tasein de opbringst ferdûbelje te sillen.

Frysktalige single

Om hjir safolle mooglik bekendheid oan te jaan hat de ôfdieling skoaltelevyzje it inisjatyf nommen om, tegearre mei de rockband Van Wieren, in Frysktalige single op te nimmen (sjoch: www.vanwieren.nu). Sjonger Robbie van Wieren skreau de tekst, de band komponeerde de muzyk en presintatrise Marieke Swart waard taheakke as gastsjongeres (sjoch: www.witwat.nl). Sa ûntstie it liet ‘Dyn Eagen’, wêryn’t troch de eagen fan in famke sjoen wurdt nei de traumatyske gefolgen fan oarlochshannelingen, en tagelikertiid besletten wurdt ‘de eagen te iepenjen’ en de altyd oanwêzige hope en ljochtpuntsjes troch te jaan.

Fideoklip en audio downloaden

Omrop Fryslân Skoaltelevyzje makke de fideoklip, mei de stipe fan in soad minsken (kameraminsken, audiotechnisi, etc.) dy’t belangeleas meiwurke ha oan dit projekt. Woansdeitejûn 16 desimber waard de single offisjeel ten doop holden yn CSG Ulbe van Houten te st Anne; en sûnt dat momint is de single fergees te downloaden fia www.fryslan4warchild.nl, www.omropfryslan.nl en www.vanwieren.nu.